પડ્યા ટકોરા બારણે મહેમાન આવ્યાં,
હવે ઉઘાડો કમાળ મહેમાન આવ્યાં.
તોડ્યા'તા ખાટલા અને તોડ્યા'તા પાટલા,
છતા પાથરો ઢોલીયા મહેમાન આવ્યાં.
તોડી'તી પ્યાલી અને તોડી'તી રકાબી,
છતા પીવડાવો ચા મહેમાન આવ્યાં.
ખૂટ્યા'તા દાણા અને ખૂટ્યાં'તા નાણાં,
છતા ખવડાવો ખીર મહેમાન આવ્યાં.
ખૂટ્યા'તા વાણા અને ખૂટ્યા'તા ટાણા,
છતા આગ્રહે રહેજો મહેમાન આવ્યાં.
અતિથિ કો'દીઠી ઉર આનંદી થાય તો,
સાચી મૂડી જિંદગીની મહેમાન આવ્યાં.